Tramp həyatını xilas edən şəxsi rəhbər təyin etdi
Dərc olunub:
23-01-2025, 09:56
ABŞ Məxfi Xidmətinin agenti Şon Karran qurumun rəhbəri təyin edilib.
Bu barədə ABŞ Prezidenti Donald Tramp özünün “Truth Social” səhifəsində məlumat yayıb.
“O, Pensilvaniya ştatının Batler şəhərində məni sui-qəsdçinin gülləsindən xilas etmək üçün öz həyatını riskə ataraq cəsarətini sübut etdi. Əminəm ki, Şon ABŞ-ın Məxfi Xidmətini əvvəlkindən daha güclü edəcək”, - Tramp bildirib.
Qeyd edək ki, 2024-cü ilin iyulun 13-də Batler şəhərindəki seçkiqabağı mitinq zamanı Trampa sui-qəsd cəhdi edilmişdi .
