Salzburqda 20 Yanvar faciəsi ilə əlaqədar xatirə guşəsi yaradılıb
Dərc olunub:
20-01-2025, 09:10
Avstriyanın Salzburq şəhərində fəaliyyət göstərən Azərbaycan Evindədə 20 Yanvar faciəsinin qurbanlarının xatirəsinin yad edilməsi məqsədilə xatirə guşəsi yaradılıb.
Bu barədə Avrasiya.net-ə Avstriya Azərbaycanlıları Cəmiyyətindən bildirilib.
“Sovet rəhbərliyinin xalqımızın iradəsini sındırmaq cəhdi baş tutmadı, tezliklə Azərbaycan öz müstəqilliyini bərpa etdi. 20 Yanvar faciəsi xalqımızın yaddaşında müstəqilliyə gedən yol, milli qürur, iftixar, milli müqavimət günü kimi əbədi həkk olunub. Avstriya Azərbaycanlıları Cəmiyyəti və Salzburq Azərbaycan Evi olaraq 20 Yanvar faciəsinin qurbanlarını dərin hüznlə anırıq”, – Cəmiyyət bildirib.