Mühafizəçilər tərəfindən döyülən məhbus ölüb
Dərc olunub:
Dünən, 07:34
Nyu Yorkdakı islah məntəqəsinin mühafizəçilər əlləri qandallı məhbusu döyüb və təhqir ediblər, nəticədə kişi aldığı xəsarətlərdən dünyasını dəyişib.
APA xəbər verir ki, bu barədə “Associated Press“ məlumat yayıb.
Bildirilib ki, insident dekabrın 9-da Nyu-York ştatının Marsi həbsxanasında baş verib.
Qurbanın 43 yaşlı Robert Bruks olduğu qeyd edilir.
Nəşrin məlumatına görə, o, 13 mühafizəçi və tibb işçisi tərəfindən döyülüb.
Kişinin ölümünü hadisədən sonra səhər saatlarında həkimlər təsdiqləyib.
Hazırda Prokurorluq araşdırma aparır.
