BƏƏ və ÜST 148 fələstinlinin Əbu-Dabiyə təcili tibbi təxliyəsinə başlayır
Birləşmiş Ərəb Əmirlikləri Ümumdünya Səhiyyə Təşkilatı (ÜST) ilə birgə İsrailin Ramon hava limanından Əbu-Dabiyə geniş müalicəyə ehtiyacı olan xərçəng xəstələri də daxil olmaqla 85 xəstə və ağır yaralı fələstinlinin təxliyəsi üçün təcili təşəbbüs elan edib.
Bu təşəbbüs BƏƏ-nin fəlakətli vəziyyət fonunda Qəzzadakı Fələstin xalqını dəstəkləməkdə qətiyyətli olduğunu bir daha təsdiqləyir.
Bu barədə Beynəlxalq Əməkdaşlıq üzrə Dövlət Naziri Zati-aliləri Reem Əl Haşimi bildirib ki, bu təşəbbüs BƏƏ-nin Fələstin xalqına göstərdiyi davamlı və tarixi dəstəyin sübutudur.
Nazir vurğulayıb ki, BƏƏ bu günə qədər Qəzzadan olan 709 pasienti, onların 787 ailə üzvü ilə birlikdə müalicə almaq üçün qəbul etmişdir. Bu, BƏƏ Prezidenti Əlahəzrət Şeyx Mohamed bin Zayed Al Nahyanın Qəzzadan olan 2000 yaralı və xərçəng xəstəsinə qayğı göstərmək göstərişlərinə uyğun olaraq həyata keçirilmişdir.
