Krallıq İsraili sərt formada qınayıb

İsrailin Qəzzada törətdiyi qırğınlar və Xan Yunisdə köçkünlərin hədəf alınması ilə bağlı Səudiyyə Ərəbistanı Krallığı sərt bəyanat verib.

Avrasiya.net xarici mətbuata istinadən xəbər verir ki, Xarici İşlər Nazirliyi Səudiyyə Ərəbistanı Krallığının Fələstin xalqına qarşı İsrailin döyüş maşınının əli ilə soyqırım törətməkdə davam etməsini ən sərt şəkildə qınadığını bildirib.

İsrailin Qəzza zolağının cənubundakı Xan Yunisdəki qaçqın düşərgələrinin hədəfə alması bəşəri cinayət kimi dəyərləndirilib.

Qeyd olunub ki, Krallıq dərhal və daimi atəşkəs və bütün işğal olunmuş Fələstin ərazilərində silahsız mülki əhalinin müdafiəsinin təmin edilməsi tələbini irəli sürüb.