“Krokus”dakı terrorun sponsoru Makrondur!

“Krokus Siti Holl”da törədilən terror aktının sponsoru Fransa Prezidenti Emmanuel Makrondur.

Axar.az xəbər verir ki, bu sözləri Rusiya Təhlükəsizlik Şurasının sədr müavini Dmitri Medvedyev deyib.

O bildirib ki, E.Makronun və digər Qərb liderlərinin bu terrorda əli var.

D.Medvdyev həmçinin hadisəni Ukraynaya bağlı muzdluların təşkil etdiyini də vurğulayıb.

Xatırladaq ki, martın 22-də Moskva vilayətinin Krasnoqorsk şəhərindəki “Krokus Siti Holl” konsert zalında yerli “Piknik” rok qrupunun səhnəyə çıxışı ərəfəsində terror aktı törədilib. Atəş açaraq binaya daxil olan silahlı şəxslər məkanı yandırdıqdan sonra hadisə yerindən qaçıblar.

Son məlumata görə, həmin terror aktı nəticəsində 144 nəfər həlak olub, 551 nəfər isə yaralanıb. Eyni zamanda, 95 nəfər itkin düşmüş sayılır.