Co Ukraynanı Rusiyaya verdi, Putinin kuklasıdır - Tramp
Dərc olunub:
8-03-2024, 21:54
ABŞ-ın keçmiş prezidenti Donald Tramp Prezident Co Baydenin Konqres qarşısında çıxışının ölkə üçün biabırçılıq olduğunu bəyan edib.
Axar.az xəbər verir ki, Tramp bu barədə özünün sosial şəbəkə hesabında yazıb.
O bildirib ki, bu, Baydenin indiyə qədərki ən pis çıxışı idi:
“Bayden Ukrayna və “Şimal axını 2” də daxil olmaqla, hər şeyi Moskvaya verib. O, Putinin, Si Szinpinin və demək olar ki, bütün liderlərin kuklasıdır”.
Qeyd edək ki, Bayden Konqresdəki çıxışında Putinə müraciət edərək, heç bir halda baş əyməyəcəyini deyib.
