Onun 200 milyard dollar sərvəti var
"Amazon”un yaradıcısı Ceff Bezos “Bloomberg” qlobal milyarderlər indeksində yenidən birinci yeri tutub.
Xarici KİV xəbər verir ki, reytinqə görə, Bezosun sərvəti hazırda 200 milyard dollar qiymətləndirilir.
2024-cü ildə Ceff Bezos dünyanın ən varlı adamları reytinqində "SpaceX"in sahibi İlon Maskı və LVMH-nin Direktorlar Şurasının sədri Moet Hennessy – Louis Vuitton Bernard Arnonu keçə bilib. Onların xalis sərvəti hazırda müvafiq olaraq 198 milyard və 197 milyard dollardır.
Sonuncu dəfə 60 yaşlı Ceff Bezos "Bloomberg"in reytinqinə 2021-ci ildə başçılıq etmişdi. Daha sonra liderlik mövqeyini onun sərvəti "Tesla" şirkətinin səhmlərinin qiymətlərinin artması sayəsində artan İlon Mask təmin edib. Bununla belə, "Tesla" səhmləri 2024-cü ildə 24% ucuzlaşıb.
