İmran Xanın partiyası seçkilərdə qalib gəldi

Pakistanın həbsdə olan keçmiş baş naziri İmran Xanın paretiyası ölkədə keçirilən parlament seçkilərində qələbə qazanıb.

Bu barədə İmran Xanın yüksək rütbəli köməkçisi Qoar Əli Xan açıqlayıb.

Xanın partiyası ən çox yer qazandıqdan sonra hökumət qurmağa çalışacaq.

Partiyanın müvəqqəti lideri İslamabadda keçirdiyi mətbuat konfransında Pakistanın bütün qurumlarını partiyanın mandatına hörmət etməyə çağıraraq bildirib ki, şənbə günü axşam bütün nəticələr elan olunmasa, partiya bazar günü dinc etiraz aksiyasına başlayacaq.

Xanın həbsdə olmasına və partiyasının seçkidən kənarda qalmasına baxmayaraq, onun dəstəklədiyi müstəqil namizədlər ən çox yer qazanıb.