Bayden Çinlə hərbi əməkdaşlığı bərpa etmək niyyətindədir
ABŞ prezidenti Cozef Bayden yaxın vaxtlarda Çinlə hərbi əməkdaşlığı bərpa etmək niyyətindədir.
“Report” xəbər verir ki, bunu ABŞ prezidentinin milli təhlükəsizlik üzrə müşaviri Ceyk Sallivan deyib.
Onun sözlərinə görə, ABŞ prezidenti Çinlə hərbi əlaqələri yeniləməkdə qərarlıdır, çünki bunun ABŞ-ın milli təhlükəsizliyinin ən yaxşı maraqlarına uyğun olduğuna inanır:
“Səhv hesablamalar və anlaşılmazlıqlar olmasın deyə bu rabitə xətlərinə ehtiyacımız var. Hərbi əməkdaşlığın bərpası yüksək səviyyəli rəhbərlikdən tutmuş taktiki əməliyyat səviyyəsinə qədər, Hind-Sakit okeanda su və hava boyunca bütün səviyyələrdə baş verə bilər.
Çinlilər bu kommunikasiya əlaqələrini böyük ölçüdə kəsiblər. Prezident Bayden onları bərpa etmək istəyir. Hesab edirəm ki, bu, gündəmin əsas məsələsidir”.
