"Bayden Kiyevə kömək üçün Konqresdən 60 milyard dollar istəyəcək"
Dərc olunub:
19-10-2023, 04:58
ABŞ Prezidenti Co Bayden Konqresdən Ukraynaya təxminən 60 milyard dollar yardım istəməyi planlaşdırır.
APA xəbər verir ki, bu barədə mənbələrə istinadən "NBC News" məlumat yayıb.
Qeyd olunub ki, Kiyev vəsaitin böyük hissəsini Ukrayna, İsrail, Tayvana yardım və Amerika sərhədinin qorunması üçün ayrılan ümumi məbləği 100 milyard dollarlıq paketdən alacaq. Telekanalın qeyd etdiyi kimi, bu paketin hazırlanması hələ başa çatmayıb, lakin Bayden onu bu həftənin sonunda təqdim etməyi planlaşdırır.
