İsrail Baş naziri İrana və “Hizbullah”a xəbərdarlıq edib: Qələbəyə qədər dayanmayacağıq

İsrail Baş naziri Benyamin Netanyahu İrana və “Hizbullah”a xəbərdarlıq edib.

APA "ynet.co.il"ə istinadən xəbər verir ki, Knessetin qış sessiyasının açılışında çıxış edən Netanyahu bildirib ki, onlar qələbəyə qədər dayanmayacaqlar.

“İran və “Hizbullah”a bir mesajım var: bizi şimalda sınamayın, daha əvvəl etdiyiniz səhvi təkrarlamayın, çünki bu gün daha ağır bədəl ödəyəcəksiniz.

ABŞ Prezidenti Co Bayden sizə bunu etməməyinizi söylədi və mən sizə ibrani dilində deyirəm: ehtiyatlı olun!

Tariximiz boyu bizi məhv etmək üçün saysız-hesabsız cəhdlər olub, biz onda müdafiəsiz idik və biz başqa heç bir xalqın ödəmədiyi ağır bədəllər ödəmişik. Fərq ondadır ki, bu gün bizim ölkəmiz güclüdür, güclü ordumuz, güclü xalqımız və güclü müqavimət göstərmək bacarığımız var və biz qələbəyə qədər dayanmayacağıq”, İsrail hökumət başçısı vurğulayıb.