"NATO-nun nüvə sınaqlarını bərpa etmək planı yoxdur"
Dərc olunub:
12-10-2023, 05:30
Rusiyanın nüvə sınaqlarına qadağa haqqında sazişin ratifikasiyasını geri götürmək planları ilə bağlı məlumatlar fonunda NATO nüvə sınaqlarını bərpa etmək niyyətində deyil.
APA xəbər verir ki, bu barədə NATO-nun Baş katibi Yens Stoltenberq mətbuat konfransında bildirib.
“Bizim nüvə sınaqları keçirmək planımız yoxdur", - deyə o vurğulayıb.
Qeyd edək ki, Nüvə Sınaqlarının Hərtərəfli Qadağası Müqaviləsi 1996-cı il sentyabrın 24-də BMT Baş Assambleyası tərəfindən təsdiq edilib. O, nüvə yüklərinin sınaq partlayışlarını, eləcə də dinc məqsədlər üçün nüvə partlayışlarını qadağan edir.