Toyda yanğın baş verdi: 450 ölü və yaralı
Dərc olunub:
27-09-2023, 11:54
İraqın Naynava əyalətində (ölkənin şimalında) baş verən yanğın nəticəsində ölən və yaralananların sayı 450 nəfərə çatıb.
Axar.az xəbər verir ki, bu barədə İraq Qızıl Aypara Cəmiyyəti X sosial şəbəkəsində məlumat yayıb.
“Toy mərasiminin keçirildiyi zalda baş verən yanğın nəticəsində ölən və yaralananların sayı 450-yə çatıb. Faciə Mosulun şərqində yerləşən Əl-Həmdaniyyə (həmçinin Bəhdida kimi tanınan) şəhərində baş verib”, - məlumatda deyilir.
Qeyd edək ki, bundan əvvəl “Əl Ərəbiyyə” telekanalı yanğın nəticəsində ölənlərin sayının 120-yə çatdığını, daha 200 nəfərin isə yaralandığını bildirmişdi.
