Dünya tikan üstündədi: Yeni epidemiya xəbərdarlıqı edildi
Ümumdünya Səhiyyə Təşkilatının (ÜST) məlumatına görə, koronavirusun yeni ştammının qlobal yayılması bir ay ərzində 7,6%-dən 17,4%-ə yüksəlib; bu virus digər variantlardan daha sürətli yayılır.
Hazırda bir çox ölkələrdə EG.5 - “Eris” virusuna yoluxma aşkarlanıb və ən çox yoluxma Çin, ABŞ, Böyük Britaniya, həmçinin Avropa və Asiyada qeydə alınıb.
Mütəxəssislərin ehtimalına görə, payız-qış aylarında yeni epidemiya baş verə bilər.
Xəstəliyin əlamətləri əvvəlki variantlar ilə oxşardı: öskürək, burun axması, qızdırma, angina, təngnəfəslik və s. Qorxulu məqam xəstəliyin fəsadlaşıb ağır nəticələrə səbəb ola bilməsidir.
Fəsadlar immun sistemin vəziyyəti ilə birbaşa əlaqəlidir. Virusun yarımnövləri mutasiyaya uğradığı üçün, əvvəlki yoluxma zamanı əldə olunmuş immunitet köməyə çata bilmir.
