Almaniya Kiyevə yeni radar sistemi verir
Dərc olunub:
30-06-2023, 10:15
Almaniya Ukraynaya yeni hərbi yardım göndərib.
Axar.az xəbər verir ki, bu barədə Almaniya hökumətindən məlumat verilib.
Yeni yardım paketinə 1 ədəd orta radiuslu “TRML-4D” radiolokasiya stansiyası, 3 ədəd “BEAVER” körpü sistemi, sərhəd mühafizəsi üçün 2 ədəd maşın və 16 ədəd “Zetros” yük maşınları daxildir.
Qeyd edək ki, “TRML-4D” radarları təyyarələr, helikopter və qanadlı raketlər kimi müxtəlif növ hava hədəflərini erkən aşkar etməyə qadirdir. Radar 250 km-ə qədər radiusda 1500-ə yaxın hədəfin operativ aşkarlanmasını və izlənilməsini təmin edir.
