İsrail “İslami-cihad”ın daha bir liderini zərərsizləşdirib
Dərc olunub:
12-05-2023, 05:47
İsrail hərbçiləri “İslami-cihad” silahlı qruplaşmasının raket qüvvələrinin rəhbərini və onun müavinini zərərsizləşdirib.
Bu barədə “Report” “Reuters”ə istinadən xəbər verir.
Nəşr yazır ki, zərərsizləşdirmə əməliyyatı Qəzza zolağından atılan raketlərin israilli mülki şəxsi öldürməsindən sonra həyata keçirilib. Həmçinin qeyd edilir ki, son üç gündə “İslami-cihadın” yüksək rütbəli şəxslərinin beşinci ölümüdür.
Xatırladaq ki, mayın 9-da səhər saatlarında İsrail əməliyyata başlamaqla “İslami-cihad”ın üç komandirini öldürüb.
Buna cavab olaraq Qəzza zolağından İsrail şəhərlərinə yüzlərlə raket atılıb.