Milyonlarla fransız etiraza qalxdı - 100-dən çox polis yaralandı
Dərc olunub:
2-05-2023, 07:04
Fransada bu gün qalmaqallı pensiya islahatları ilə bağlı qanun layihəsinə qarşı etiraz aksiyaları keçirilib.
Avrasiya.net xəbər verir ki, qanun layihəsi artıq qəbul edilsə də, etirazlar davam edir.
Fransa Daxili İşlər Nazirliyinin məlumatına görə, nümayişlərdə 782 minə yaxın insan iştirak edib. Təkcə Parisdə 112 min şəxs küçələrə çıxıb.
Milli həmkarlar ittifaqı isə ölkə üzrə nümayişlərdə 2,3 milyon, Parisdə isə 550 min nəfərin iştirak etdiyini bildirib.
Parisdə yürüş zamanı polislə nümayişçilər arasında toqquşma yaşanıb. Etirazçıların qarşısına 12 min polis çıxarılıb.
Daxili işlər naziri Gerald Darmanin jurnalistlərə açıqlamasında deyib ki, etirazlar zamanı azı 108 polis əməkdaşı yaralanıb, 291 nəfər saxlanılıb.
