Narendra Modi Azərbaycan Prezidentini təbrik edib
Hindistanın Baş naziri Azərbaycan Prezidentini Ramazan bayramı münasibətilə təbrik edib
Hindistanın möhtərəm Baş Naziri cənab Narendra Modi Ramazan bayramı münasibətilə Azərbaycan Respublikasının Prezidenti Zati-aliləri cənab İlham Əliyevi və Azərbaycan xalqını Hindistan xalqı və Hökuməti adından təbrik edib.
Möhtərəm Baş Nazir, cənab Modi təbrik məktubunda bildirib ki, son bir ay ərzində Hindistanda və bütün dünyada müsəlmanlar müqəddəs Ramazan ayını qeyd edib, oruc tutub və dualar ediblər. İndi isə onların Ramazan bayramını ənənəvi şövqlə qeyd etməyə hazırlaşdığı bir vaxtda, bütün dünya üzrə insanlar qardaşlıq və birlik dəyərlərini xatırlayırlar.
“Biz bütün dünya xalqları üçün sülhə, harmoniyaya, yaxşı sağlamlıq və xoşbəxtliyə ümid edir və bunun üçün dua edirik”, Baş nazir Modi əlavə edib.
21 aprel 2023-cü il