Norveç casusluqda ittiham olunan 15 rusiyalı diplomatı ölkədən çıxarır
Norveçin paytaxtı Osloda Rusiya səfirliyində çalışan 15 diplomat "casusluq" iddiası ilə deportasiya edilir.
"Unikal" xəbər verir ki, xarici işlər naziri Anniken Huitfeldt verdiyi açıqlamada qərarın "Rus kəşfiyyatının Norveçdəki təsir dairəsini daraltmaq və bununla mübarizə aparmaq və bununla da milli maraqları təmin etmək üçün mühüm tədbir" olduğunu bildirib .
“Persona non qrata” elan edilən 15 rus diplomatın ən qısa zamanda ölkəni tərk etməli olduğunu vurğulayan Huitfeldt, “Norveçə viza üçün müraciət edən kəşfiyyat işçilərinə viza verməyəcəyik” -deyə bildirilib.
Huitfeldt, hökumətin konkret bir hadisəyə əsaslanaraq qərar verib-verməməsi ilə bağlı təfərrüatları açıqlamayıb və ölkənin Daxili Kəşfiyyat Xidməti PST-nin mövzu ilə bağlı lazımi açıqlama verəcəyini bildirib.
Qovulan diplomatların fəaliyyətinin "diplomatik statusları ilə uyğun gəlmədiyi" bildirilsə də, Huitfeldt, "Söhbət adi diplomatlardan yox, diplomatik pərdə altında fəaliyyət göstərən kəşfiyyatçılardan gedir" deyib.
Norveç keçən il kəşfiyyatçı olduqları iddiası ilə üç rus diplomatı ölkədən çıxarmışdı.
