Roma Papası 12 məhbusun ayağından öpüb – FOTO
Son zamanlar səhhətində yaranan problemlərvə “istefa verəcək” kimi xəbərlərlə tez-tez gündəmə gələn katoliklərin dini lideri Roma Papası Fransisk, ötən gün Pasxa bayramı öncəsi keçirilən ənənəvi mərasimdə gənc məhbusların ayaqlarını yuyub.
Xarici KİV xəbər verir ki, 86 yaşlı Roma Papa İtaliyanın paytaxtının yaxınlığında yerləşən “Casar del Marmo” həbsxanasında müxtəlif millətlərdən olan 12 məhbusun ayaqlarını yuyub, sonra isə öpüb.
Qeyd edək ki, xristianların inanclarına görə, bu ayin Həzrəti İsanın çarmıxa çəkilmədən bir gün öncə sevgisini nümayiş etdirmək üçün 12 həvarisinin ayağını yuması ilə bağlıdır. Sonradan bu ayin Roma papaları tərəfindən davam etdirilib. Özündən mənsəbcə aşağı səviyyəli adamların ayağını yumaq xristianlıqda itaət və sadəlik rəmzi hesab olunur.
Azpolitika
