İsraildə iğtişaşlar başladı: ərəblər ayağa qalxdı
Dərc olunub:
7-04-2023, 04:12
İsrailin ərəb əsilli vətəndaşlarının üstünlük təşkil etdiyi şəhərlərində qarşıdurmalar başlayıb.
Bu barədə “Yerusəlim Post” məlumat yayıb.
Bildirilib ki, iğtişaşların baş verdiyi şəhərlərdən biri Umm-əl-Fahmdır. Burada onlarla vətəndaş şinlər yandıraraq, polislərə sərt predmetlər ataraq, çaxnaşma yaradıblar. İki nəfər saxlanılıb.
Həmçinin Sahnin, Qüds şəhərlərində, o cümlədən paytaxt Təl-Əvivin Yaffo rayonunda da etirazlar baş qaldırıb.
Məlumata görə, etirazlar İsrail-Fələstin sərhədində vəziyyətin gərginləşməsi ilə əlaqədardır.
Qeyd edək ki, ötən gün İsrail Livandan raket hücumlarına məruz qalıb.