İsraildən ABŞ-a qarşı şok ittiham

İsrail hökuməti ABŞ-ı məhkəmə islahatlarına qarşı İsraildəki etirazları maliyyələşdirməkdə ittiham edir.

Axar.az xəbər verir ki, bu barədə “Tayms of İsrael” qəzeti məlumat yayıb.

"Bu etiraz milyonlarla dollar cəlb etməklə maliyyələşdirilir və təşkil edilir. Bütün nümayişçilərin nizamlı şəkildə paylandığı mütəşəkkil bir mərkəz var. Nəqliyyatı, bayraqları, mərhələləri kim maliyyələşdirir? Bu, bizə aydındır”, - nəşr yüksək rütbəli hökumət rəsmisinin sözlərini sitat gətirib.

Qeyd edək ki, artıq onuncu həftədir israillilər Netanyahu hökumətinin məhkəmə islahatlarına etiraz edirlər.