“Çin “TikTok” vasitəsilə milyonlarla insanın məlumatlarını ələ keçirə bilər” – ABŞ kəşfiyyatı
“Çin “TikTok” vasitəsilə cihazlardakı məlumat və proqram təminatına nəzarət edə bilər”.
Bunu ABŞ Federal Təhqiqatlar Bürosunun (FTB) direktoru Kristofer Vray, Kəşfiyyat Komitəsinin iclası zamanı deyib.
Vray Çinin “TikTok” sosial şəbəkəsindən istifadə edən şəxslərin cihazlarına daxil olaraq, milyonlarla istifadəçinin məlumatlarını ələ keçirə biləcəyini bildirib.
“Amerikalılardan bütün məlumatlarınızı və cihazınıza nəzarəti Çinə təhvil vermək istəyib-istəmədiklərini soruşsanız, əksər amerikalılar sizə “yox” cavabını verəcək” - deyə, Vray bildirib.
Vray Çinin super kompüterlər və süni intellekt cihazlarından istifadə edərək casusluq, insanların şəxsi məlumatlarını oğurlamaq kimi bir çox qeyri-qanuni fəaliyyətlərlə məşğul olduğunu vurğulayıb.(azpolitika)
