NATO ölkələri Türkiyədəki zəlzələ üçün səfərbər oldu
Dərc olunub:
6-02-2023, 15:24
NATO ölkələri Türkiyədəki zəlzələ ilə bağlı səfərbər olub.
Bunu NATO-nun Baş katibi Yens Stoltenberq Tviterdə yazıb.
“Biz bu dəhşətli zəlzələ ilə bağlı müttəfiqimiz Türkiyə ilə tam həmrəy olduğumuzu bildiririk”, - Stoltenberq qeyd edib.
Stoltenberq Türkiyə Prezidenti Rəcəb Tayyib Ərdoğan və xarici işlər naziri Mövlud Çavuşoğlu ilə təmasda olduğunu bildirib.
Qeyd edək ki, Türkiyədə baş verən 7,4 bal gücündə zəlzələ nəticəsində 284 nəfər ölüb, 2323 nəfər yaralanıb.
