Pakistanda ölənlərin sayı artdı, matəm elan edildi
Dərc olunub:
31-01-2023, 11:17
Pakistanın Pişəvər şəhərində məsciddə törədilən partlayış nəticəsində ölənlərin sayı 93-ə çatıb.
Avrasiya.net xəbər verir ki, bu barədə Geo TV məlumat yayıb.
Məlumata görə, partlayışda 200-dən çox zərərçəkən şəxs xəstəxanaya çatdırılıb, onlardan 100-ə yaxınının müalicəsi davam edir, qalanları isə evə buraxılıb.
Hayber-Paxtunxva əyalətinin başçısı Məhəmməd Əzəm Xan bütün bölgədə bir günlük matəm elan edib.
Qeyd edək ki, ötən gün Pakistanın Pişəvər şəhərindəki (Hayber-Paxtunxva əyalətinin mərkəzi) məscidlərin birində terror aktı törədilib.