Çin dünyanın ilk pilotsuz tədqiqat gəmisini istismara verdi
Dərc olunub:
13-01-2023, 14:03
Çin dünyanın ilk pilotsuz tədqiqat gəmisi olan "Zhuhaiyun"u istismara verib.
Axar.az xəbər verir ki, bu barədə Çin Mərkəzi Televiziyası məlumat yayıb.
Məlumata görə, gəmi avtonom naviqasiya sisteminə və uzaqdan idarəetmə texnologiyasına malikdir. Bütün əsas sistemlər, o cümlədən güc və hərəkət sistemləri Çində hazırlanıb.
Gəminin uzunluğu 88,5 metr, eni 14 metr, hündürlüyü isə 6,1 metrdir. O, adi rejimdə 18 düyün, qənaət rejimində 13 düyün sürətə malikdir.
Bildirilir ki, gəmi okeanoqrafik tədqiqatlar, kartoqrafiya, nümunə götürmə və patrul kimi müxtəlif okean kəşfiyyatı tapşırıqları üçün istifadə edilə bilər.
