Bayden və Makron Ukraynanı müzakirə ediblər
Dərc olunub:
3-02-2022, 11:27
ABŞ prezidenti Co Bayden çərşənbə günü Fransa lideri Emmanuel Makron ilə telefonla danışıb və onunla Ukrayna ətrafındakı vəziyyəti, habelə Rusiya ilə diplomatik əlaqələri və Moskvaya qarşı potensial sanksiyaları müzakirə edib. Bu barədə Ağ evin mətbuat xidməti məlumat yayıb.
“Prezident Co Bayden bu gün Fransa prezidenti Emmanuel Makronla Rusiyanın Ukrayna ilə sərhədlərində davam edən hərbi birləşmələri barədə danışıb.
Prezidentlər komandalarının NATO müttəfiqləri və Aİ tərəfdaşları ilə bu məsələlərin həlli üçün koordinasiyalı və hərtərəfli yanaşma ilə bağlı məsləhətləşmələr də daxil olmaqla, sıx əlaqə saxlamağa davam edəcəkləri barədə razılığa gəliblər”, - bəyanatda deyilir.