İlham Əliyev: Sülh sazişini bir ilə imzalaya bilərik!Hər iki tərəf xoş məramla çalışsa, biz sülh sazişini bir il ərzində imzalaya bilərik.

Avrasiya.net xəbər verir ki, bu sözləri Azərbaycan Respublikasının Prezidenti İlham Əliyev Bakıda işə başlayan “Qlobal dünya nizamına təhdidlər” mövzusunda Qlobal Bakı Forumunun açılış mərasimindəki çıxışında söyləyib.

Dövlətimizin başçısı deyib:

"Bizim mövqeyimiz ondan ibarətdir ki, Minsk qrupu ilə bağlı Ermənistanda və ya digər ölkədə hər hansı fərziyyə Azərbaycanda ancaq qıcıq doğurur. Biz münaqişəni həll etdik, Minsk qrupu tərəfindən hazırlanmış və Madrid prinsipləri adlandırılan prinsiplər öz həllini tapıb və artıq biz Ermənistanla münasibətləri normallaşdırmaq, sülh sazişi imzalamaq üzərində çalışmalıyıq. Hesab edirəm ki, hər iki tərəf xoş məramla çalışsa, biz sülh sazişini bir il ərzində imzalaya bilərik. Daha sonra Qafqaza sülh gələcək. Bizim Qafqazla bağlı baxışımız inteqrasiya və əməkdaşlıqdan ibarətdir və Azərbaycan bir neçə dəfə buna start verməyi, ilkin addımları atmağı təklif edib. Biz bu məsələ ilə bağlı gürcüstanlı həmkarlarımızla məsləhətləşmə aparmışıq və Gürcüstan hökuməti də bu ideyanı dəstəkləyir – Gürcüstanda Azərbaycan, Gürcüstan və Ermənistan xarici işlər nazirləri səviyyəsində üçtərəfli görüşün keçirilməsi və dialoqun başlanılması. Təəssüflər olsun ki, Ermənistan bundan imtina edir".
“AzerGold” QSC-nin Müşahidə Şurasının iclası keçirilib“AzerGold” Qapalı Səhmdar Cəmiyyətinin (QSC) yeni tərkibdə formalaşdırılmış Müşahidə Şurasının ilk iclası keçirilib.

Müşahidə Şurasının yeni sədri Mətin Eynullayevin sədrliyi ilə keçirilən iclasda “AzerGold” QSC-nin fəaliyyəti ilə bağlı gündəliyə çıxarılan cari məsələlər, o cümlədən nizamnamə kapitalının artırılması, strateji inkişaf, maliyyə-investisiya, istehsalat və kadr məsələləri ilə bağlı müzakirələr aparılıb.

İclasda çıxış edən Müşahidə Şurasının sədri M.Eynullayev bildirib ki, dağ-mədən sahəsində ixtisaslaşmış dövlət şirkəti olan “AzerGold” QSC həyata keçirdiyi uğurlu və səmərəli fəaliyyət ilə ölkəmizin qeyri-neft sektorunun inkişafında, qeyri-neft ixracı potensialının artırılmasında önəmli rol oynayır.

M.Eynullayev Azərbaycan İnvestisiya Holdinqi tərəfindən qabaqcıl təcrübə və müasir idarəetmə tələbləri çərçivəsində Səhmdar Cəmiyyətin fəaliyyətində səmərəliliyin daha da artırılması, onun idarə edilməsinin müasir korporativ idarəetmə standartları nəzərə alınmaqla təkmilləşdirməsi istiqamətində görülən işlərin müsbət nəticələr verdiyini qeyd edib. O, Azərbaycan Respublikasının Prezidenti tərəfindən həyata keçirilən struktur islahatlarının məntiqi davamı olaraq ölkə iqtisadiyyatının müasir çağırışlara cavab verməsi məqsədi ilə yaradılan Azərbaycan İnvestisiya Holdinqi ilə QSC arasında fəaliyyətin qarşılıqlı əməkdaşlıq müstəvisində uğurla davam etdirildiyini diqqətə çatdırıb.

İclasda Azərbaycan Respublikası Prezidentinin müvafiq fərman və sərəncamlarından irəli gələn vəzifələrin icrasının təmin edilməsi məqsədilə həyata keçirilən tədbirlər nəzərdən keçirilib, gündəliyə çıxarılan məsələlərlə bağlı müvafiq qərarlar qəbul olunub.
Vətən müharibəsi iştirakçısı intihar etdiSabirabad rayonunda intihar hadisəsi baş verib.

Avrasiya.net Oxu.az-a istinadən xəbər verir ki, hadisə rayonun Cavad kəndində baş verib.

Belə ki, 1986-cı il təvəllüdlü Maşallah Manafov özünü asaraq intihar edib.

Bildirilib ki, Vətən müharibəsi iştirakçısı olan M.Manafov Sabirabad Rayon İcra Hakimiyyətinin binasından çıxdıqdan sonra intihar edib.

Faktla bağlı araşdırma aparılır.
Baş həkim istefa verdiRespublika Neyrocərahiyyə Xəstəxanasının baş həkimi Fərid Təqdirov işdən çıxıb.

Avrasiya.net xəbər verir ki, bu barədə o, rəsmi Feysbuk səhifəsində paylaşım edib.

"İki ilə yaxın Respublika Neyrocərahiyyə Xəstəxanasının baş həkimi vəzifəsində çalışdım. Bu şans və etimad üçün bütün TƏBİB və İTSDA rəhbərliyinə təşəkkürümü bildirirəm. Daha çox praktik cərrahiyyə ilə məşğul olmaq üçün istefa verdim. Bütün xəstəxananın kollektivinə uğurlar arzulayıram və mənimlə bu müddət ərzində işlədiklərinə görə minnətdarlığımı bildirirəm" - F.Təqdirov paylaşımda qeyd edib.
İki ABŞ vətəndaşı Ukraynada itkin düşübUkraynada Rusiyaya qarşı döyüşlərdə iştirak edən iki ABŞ vətəndaşı itkin düşüb.

Xarici KİV xəbər verir ki, hərbçilərin rusiyalı əsgərlər tərəfindən əsir götürüldüyü ehtimal edilir.

Hərbçilərdən birinin 39 yaşlı Aleksander Dryuke, digərinin isə 27 yaşlı Endi Hyuin olduğu açıqlanıb.
Şuşa Bəyannaməsi Türkiyə–Azərbaycan birliyinin sarsılmaz olduğunu bir daha göstərdiKönül Həsənova
ADPU filologiya fakültəsinin dekan müavini,
Müasir Azərbaycan dili kafedrasının doktorantı


2021-ci il iyunun 15-da Şuşa şəhərində Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan tərəfindən “Azərbaycan Respublikası ilə Türkiyə Respubli¬kası arasında müttəfiqlik münasibətləri haqqında Şuşa Bəyannaməsi”nin imzalanması böyük Qara¬bağ zəfərindən sonra böyük bir regiona sülh, sa¬bitlik və inkişaf vəd edən strategiya olaraq həyata vəsiqə qazanmışdır. Şuşa Bəyannaməsinin tarixi Qars müqaviləsinə əsaslanması və məhz Azərbaycanın Milli Qurtuluş Günündə imzalanma¬sı dövlətçilik tariximizə əzəmət verən iki mühüm tarixi öz şərəf səltənətinə qovuşdurmuşdur. Bu bəyannamə tarixi köklərə, möhkəm təmələ əsaslanan Türkiyə–Azərbaycan birliyinin sarsılmaz olduğunu bir daha göstərdi.
Müstəqilliyin ilk illərindən etibarən qardaş ölkə Azərbaycanın dövlət quruculuğu yolunda atdığı addımları daim dəstəkləyib, böyük dövlətlərin iştirak etdiyi tədbirlərdə Azərbaycan naminə haqq səsini ucaldıb. Qırx dörd günlük Vətən müharibəsi zamanı Türkiyənin Azərbaycana verdiyi güclü siyasi və mənəvi dəstək buna bariz nümunədir. Belə ki, savaş dövründə ilk günlərdən etibarən Türkiyə Prezidenti ardıcıl açıqlamalar verirdi ki, Azərbaycan yalnız deyil, Türkiyə Azərbaycanın yanındadır. Əslində, bu, bir çox ölkələr və beynəlxalq təşkilatlar üçün bir mesaj idi, yəni, “Ermənistana havadarlıq etməyin, haqq-ədalətin tərəfində olun” anlamını ifadə edirdi.

Azərbaycan ilə Türkiyə arasında münasibətlərin möhkəmlənməsində dövlətlərimizin başçılarının şəxsi dostluq əlaqələrinin və qarşılıqlı səfərlərinin xüsusi əhəmiyyəti var. Dövlətimizin başçısı İlham Əliyev və Türkiyə Respublikasının Prezidenti Rəcəb Tayyib Ərdoğan arasında mövcud dostluq və qardaşlıq münasibətləri ikitərəfli əlaqələrimizin bütün sahələrdə daha da genişlənməsinə öz müstəsna töhfəsini verir.

“Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi”ndə Azərbaycan və Türkiyə arasındakı ikitərəfli münasibətlərin daha da genişləndirilməsi perspektivləri diqqət mərkəzində saxlanılaraq, siyasi, müdafiə, mədəni, humanitar, səhiyyə, təhsil, sosial, gənclər, idman sahələrində imkan və potensiallarının birləşdirilməsi, dərinləşdirilməsi xüsusi yer tutur.

Bəyannamədə müdafiə sahəsində əməkdaşlıq və qarşılıqlı hərbi yardım məsələləri də xüsusi diqqət çəkir. Başqa sözlə, sənəddə ordumuzun yeni çağırışlara uyğun olaraq yenidən formalaşdırılması, modernləşdirilməsi və hərbi təhlükəsizliyin möhkəmləndirilməsinə yönələn tədbirlərin həyata keçirilməsi mühüm önəm daşıyır. İki qardaş ölkənin silahlı qüvvələrinin birlikdə fəaliyyət qabiliyyətinin artırılması, müasir texnologiyalara əsaslanan silah və sursatların idarə olunması istiqamətində sıx əməkdaşlığı da nəzərdə tutulur.

Tarixi sənəddə Azərbaycan və türk diasporları arasında əməkdaşlığın daha da inkişaf etdirilməsi, milli iqtisadiyyatların və ixracın şaxələndirilməsi üzrə səylərin artırılması, Cənub Qaz Dəhlizinin səmərəli şəkildə istifadə olunması və daha da inkişaf etdirilməsinə yönəldilmiş səylərin əlaqələndirilmiş şəkildə davam etdirilməsi, Azərbaycan ilə Türkiyəni birləşdirən Zəngəzur dəhlizinin açılması, regionda nəqliyyat-kommunikasiya əlaqələrinin bərpası, beynəlxalq nəqliyyat dəhlizlərinin inkişafının təşviqi kimi aktual məsələlər də yer alır.

Prezident İlham Əliyev Şuşa Bəyannaməsinin iki qardaş ölkənin müttəfiqlik əlaqələrinə müsbət təsirini yüksək dəyərləndirərək, bildirib: “Bu, tarixi bir sənəddir. Əslində, Türkiyə – Azərbaycan əlaqələri hər zaman müttəfiqlik səviyyəsində idi və müttəfiqlik xalqlarımızın qəlbindədir. Sadəcə olaraq, biz keçən il Şuşada bunu rəsmən təsdiqlədik”.

Türkiyə və Azərbaycan birgə səylərlə bölgənin gələcək inkişafını, təhlükəsizliyini təmin edir, qardaş xalqların rahat həyatını gerçəkləşdirir. Ümumiyyətlə, iki dövlət arasında mövcud əməkdaşlığın çoxşaxəliliyi miqyasında belə müttəfiqik, qardaşıq əlaqələrinin bənzəri olmadığını deməyə əsas verir.
İş adamı başqasını xilas edərkən dənizdə BOĞULDUDünən Bakıdakı çimərliklərdən birində ölüm hadisəsi baş verib.

Sabunçu rayonu, Pirşağı qəsəbəsi yaxınlığındakı çimərlikdə 1993-cü il təvəllüdlü Zülfüqarov Vüqar Hafiz oğlu boğularaq ölüb.

FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən onun meyiti tapılaraq aidiyyəti üzrə təhvil verilib.

Kriminalqafqaz-ın məlumatına görə, V.Zülfüqarov iş adamı olub və özünün açdığı sürücülük kursuna rəhbərlik edib. O, ötən gün ailə üzvləri ilə birlikdə çimərlikdə istirahət edərkən dənizdə bir nəfərin boğulduğunu görərək həmin şəxsə kömək etməyə çalışıb. Bu zaman boğulmaqda olan şəxs xilas olsa da, 29 yaşlı Vüqar daxili orqanlarına su dolması səbəbindən vəfat edib.

Əslən Salyanın Şorsulu kəndindən olan iş adamı bu gün doğulduğu rayonda dəfn ediləcək.
“Bu forum dövlətimizə təşkilatçı kimi göstərilən etimadın təzahürüdür”Azərbaycan 2013-cü ildən keçirilməsinə başlanan Qlobal səviyyəli Bakı Forumuna doqquzuncu dəfə ev sahibliyi edir. Prezident İlham Əliyevin 2011-ci il tarixli sərəncamı əsasında yaradılmış “Nizami Gəncəvi Beynəlxalq Mərkəzi” tərəfindən keçirilməsi artıq ənənəvi hal alan bu forumda yenə də dünyaca çox önəmli şəxslər iştirak edir. Forumda 53 ölkədən 400-ə qədər nümayəndə, o cümlədən dövlət və hökumət başçıları, sabiq dövlət və hökumət başçıları, gənc liderlər iştirak edir.

Azərbaycan Liberal Demokrat Partiyasının sədri (ALDP) Fuad Əliyev “Xalq Cəbhəsi”nə deyib ki, belə forumlara ev sahibliyi edən Bakının dünyada mövqeyi güclənir. Onun sözlərinə görə, artıq Azərbaycan qlobal problemlərin müzakirə olunduğu, həlli yollarının axtarıldığı məkana çevrilib.
“Bu baxımdan bu forum xüsusi əhəmiyyətə malikdir. Nüfuzlu siyasi xadimlərin, dövlət rəsmilərinin bu forumda iştirakı, formula bağlı fikirləri tədbirin əhəmiyyətini bir daha göstərir. Prezident İlham Əliyev də ənənvi olaraq budəfəki çıxışında bir çox mühüm və vacib məsələlərə toxundu. Bu gün dünyada Azərbaycanın özünəməxsus yeri var. 44 günlük Qarabağ zəfəri Azərbaycanın dünyada yerini və mövqeyini daha da gücləndirib.” – deyib ALDP sədri.

Prezident düzgün olaraq bu forumda qeyd edib ki, bizim Qafqaza baxışımız regionda əməkdaşlıq, inteqrasiya və sülhdür: “Azərbaycan bu istiqamətdə ilk addımı atmaq üçün artıq öz təkliflərini irəli sürüb və bu məsələni Gürcüstan tərəfi ilə müzakirə edib. Gürcüstan hökuməti dialoqu başlatmaq üçün Gürcüstanda Azərbaycan, Ermənistan və Gürcüstan XİN rəhbərlərinin görüşünün keçirilməsi ideyasını dəstəkləyir. Lakin Ermənistan tərəfi bundan imtina edir. Bunun səbəbini bilmirəm və heç bir əsaslı izah tapa bilmirəm.

Bildiyim qədər, hətta Avropa institutlarından biri də bu təkliflə çıxış edib, amma yenə də rədd cavabı verilib. Əgər Ermənistan sülh istəmirsə, bəs nə istəyir? Əgər yeni müharibə istəyirsə, bunun onlar üçün faciəvi fəsadları olacaq”. Deyə bilərik ki, geosiyasi cəhətdən olduqca həssas regionda yerləşən Azərbaycan hər zaman bütün qonşuları ilə mehriban qonşuluq və sülh şəraitində yaşamağın tərəfdarı olub. Ölkəmiz Qarabağ probleminin artıq tarixdə qaldığını və sülh üçün addımların atılmasının önəmini vurğulayır. Azərbaycan yeni səhifə açaraq sülh üçün ikili münasibətlərin bərpa olunması naminə addımlar atmağa hazırdır. 30 il ərzində üçüncü ölkələrin əlində oyuncaq olan Ermənistan nəhayət ki, öz dövlətini qurmaq istəyirsə, qalib ölkəmizin sülh təkliflərini mütləq şəkildə dəyənləndirməlidir. Azərbaycan onsuzda güc yolu ilə də olsa, istəyinə nail olub”.

F.Əliyev onu da qeyd edib ki, beynəlxalq aləm və dünya üçün bu cür qlobal forumların önəmi həm də ona görə yüksəkdir ki, burada müzakirə olunan mövzuların daha çox qlobal səviyyədə aktual olan problemlərlə əlaqədardır: “Bu forum həm də dövlətimizə təşkilatçı kimi göstərilən etimadın təzahürüdür. Azərbaycan Qlobal Bakı Forumuna ev sahibliyi etməklə dünya siyasətindəki əhəmiyyətli rolunu bir daha təsdiq edir”.

Qüyd edək ki, Nizami Gəncəvi Beynəlxalq Mərkəzinin həmsədri İsmail Serageldin deyib ki, pandemiya ilə əlaqədar Forumun ənənəvi olaraq keçirildiyi zamanda dəyişiklik olduğundan, növbəti Forum gələn il martın ortalarında baş tutacaq.
Conson İlham Əliyevə təşəkkür edibBöyük Britaniyanın Baş naziri Boris Conson Azərbaycan Prezidenti İlham Əliyevə təşəkkür edib.

Avrasiya.net xəbərinə görə, Conson minnətdarlığını IX Qlobal Bakı Forumunun başlaması münasibətilə Azərbaycan Prezidenti İlham Əliyevə göndərdiyi məktubda çatdırıb.

Baş nazir IX Qlobal Bakı Forumunun açılışı münasibətilə İlham Əliyevi təbrik edib:

"Keçmişin, indinin və gələcəyin liderlərinə günün ən aktual problemlərini nəzərdən keçirmək üçün bu mühüm fürsəti təmin etdiyiniz üçün bir daha təşəkkür edirəm".
MEK tərəfindən Qırğızıstan-Türkiyə Manas Universiteti Kitabxanasına nəşrlər göndərilibAzərbaycan Milli Elmlər Akademiyasının (AMEA) Mərkəzi Elmi Kitabxanası (MEK) tərəfindən Qırğızıstan-Türkiyə Manas Universiteti Kitabxanasına mübadilə yolu ilə nəşrlər göndərilib.

MEK-in baş direktoru professor Məmməd Əliyevin təşəbbüsü ilə göndərilən bu nəşrlər Azərbaycanın tarixini, mədəniyyətini, coğrafiyasını özündə əks etdirir. Bunların sırasında “Тайны Баку” (Сейран Велиев), “Реальная История, и Вымысел О “Великой Армении”” (Ягуб Махмудоб), “Фальшивая История Хайев Моисея Хоренского” (Аббас Исламов), “Геноцид Азербайджанцев В Иреванской Губернии (1918-1920)” (И.Нифтаниев), “Геноцид Азербайджанцев В Карабахском Регионе Азербайджана (1918-1920)” (Н.Мамедзаде), “Azərbaycan Miniatürləri” (dörd dildə) və digər kitablar yer alıb.

Sözügedən nəşrlər universitetin kitabxanasına Manas Universitetinin Türk Ağsaqqalları Birliyinin (TAİB), Qırğızıstan-Türkiyə Manas Universitetinin və Azərbaycanın Qırğızıstandakı səfirliyinin birgə təşkilatçılığı ilə 15 İyun - Milli Qurtuluş Gününə həsr olunmuş "Tarix yazan liderlər" mövzusunda keçirilən tədbir zamanı diaspor üzrə araşdırmaçı-ekspert Elnur Eltürk tərəfindən təqdim edilib.

Qeyd edək ki, MEK tərəfindən belə bir təşəbbüsün irəli sürülməsi hər iki kitabxana arasında beynəlxalq əlaqələrin genişləndirilməsinə, informasiya bazalarının artırılmasına və oxuculara daha yaxşı xidmət göstərməyə imkan yaradır.