Gömrük Akademiyasının Elmi Şurasının növbəti iclası keçirilib
Dövlət Gömrük Komitəsinin Akademiyasında (DGKA) Elmi Şuranın növbəti iclası keçirilib. İclasın gündəliyinə 2025/2026-cı tədris ilinin payız semestrinin yekunları, Akademiyanın təlim və tədris proqramları üzrə özünü təhlil və qiymətləndirmə sisteminin yaradılması, magistr dissertasiya işlərinin mövzularının və elmi rəhbərlərinin təsdiqi, semestrdaxili imtahanların nəticəsi, qış imtahan sessiyasına hazırlıq və digər cari məsələlər daxil edilib.
Akademiyanın rəisi, Elmi Şuranın sədri, gömrük xidməti general-mayoru Qulu Novruzov iştirakçıları salamlayaraq şura üzvlərini iclasın gündəliyinə daxil olan məsələlər barədə məlumatlandırıb.
İclasda Tədris-metodiki işin təşkili şöbəsinin rəisi İslam Hüseynovun cari tədris ilinin payız semestrində görülmüş işlər və tədrisin təşkili barəsində çıxış edib.
Akademiyanın beynəlxalq əməkdaşlıq və layihələr üzrə koordinatoru Elvin Mecidov təlim və tədris proqramlarının keyfiyyətinin artırılması məqsədilə özünü təhlil və qiymətləndirmə sisteminin formalaşdırılmasının əhəmiyyətindən danışıb.
Elmi işlər üzrə rəis müavini Cəmilə Namazova magistr dissertasiya işlərinin və elmi rəhbərlərinin təsdiqi, Akademiyanın elmi fəaliyyəti ilə bağlı hesabatla çıxış edib.
Daha sonra Monitorinq və qiymətləndirmə şöbəsinin rəisi Əbilxan İsayev payız semestrinin semestrdaxili imtahanlarının nəticəsi, qış imtahan sessiyasına hazırlıqla bağlı qarşıda duran məsələləri iştirakçılarının diqqətinə çatdırıb.
Təqdim edilən çıxışlardan sonra Elmi Şura üzvlərinin, müvafiq struktur rəhbərlərinin gündəlikdə duran məsələlər ətrafında fikirləri dinlənilib.
Sonda müzakirə olunan məsələlərlə bağlı qərarlar qəbul edilib, struktur rəhbərlərinə müvafiq tapşırıqlar verilib.
