60 il – şərəfli ömür yolu!
PatriotNews.az saytının baş redaktoru Ceyhun Əliyevin 60 illik yubileyi münasibətilə Kəpəz PFK Akademiyasında səmimi görüş keçirilib.
Görüşdə klubun infrastruktura rəhbəri Ruslan Məmmədov, seleksiya işləri üzrə məsul şəxs Əli Rəhimov və Kəpəz azarkeşi Vaqif Səfəroğlu iştirak ediblər.
Ruslan Məmmədov klub rəhbəri Fərman Əlizadənin təbriklərini çatdıraraq, Ceyhun Əliyevin jurnalist kimi dürüst və prinsipial fəaliyyətini, Kəpəzə və qazilərə göstərdiyi dəstəyi yüksək qiymətləndirib. Görüşdə Akademiyada aparılan işlər və planlar barədə də məlumat verilib.
Əli Rəhimov və Vaqif Səfəroğlu yubilyarı təbrik edərək ona möhkəm cansağlığı, uzun ömür və yeni uğurlar arzulayıblar.
Sonda Ceyhun Əliyevə Kəpəz PFK-nın loqosu olan futbol maykası hədiyyə olunub, xatirə şəkli çəkdirilib.
Yubileyiniz mübarək, Ceyhun müəllim!
