Türkiyə səfiri medianı diqqətli olmağa çağırdı
Ümumilli lider Heydər Əliyevin vurğuladığı kimi, “bir millət, iki dövlət” fikri şüarımızdır.
Avrasiya.net xəbər verir ki, bunu Türkiyənin Azərbaycandakı səfiri Birol Akgün bildirib.
O deyib ki, Türkiyə-Azərbaycan münasibətləri tarixdə olmadığı qədər özünün ən mükəmməl dövrünü yaşayır:
“Türkiyə Cümhuriyyətinin qurucusu Atatürk hələ 20-ci əsrin əvvəllərində “azərbaycanlılar bizim qardaşımızdır, onların sevinci sevincimiz, kədəri kədərimizdir" demişdi.
Azərbaycanla Türkiyə arasında tarixi bağlılıq var, eyni dilə, inanca sahibik. Hazırda liderlərimiz arasında əlaqələr yüksək səviyyədədir. Bu qardaşlığı xalq olaraq bizlər istəyirik".
Səfir mətbuatı Azərbaycan-Türkiyə münasibətlərilə bağlı məsələdə diqqətli olmağa çağırıb.
"Qardaşlığımız o qədər incədir ki, bəzən bizim mətbuatımızda, yaxud Azərbaycan mediasında söylənilən hansısa fikir incikliyə səbəb olur. Ona görə bu məsələdə diqqətli olmaq lazımdır”.
