Göyçay rayonu Şəhadət kənd sakinlərinin yol problemi - VİDEO
Göyçay rayonu Şəhadət kənd sakinləri tərəfindən Avrasiya.net-in redaksiyasına müraciət daxil olub.
Müraciətdə sakinlər kəndin yolunun bərbadlığından şikayət ediblər.
- Şəhadət rayon mərkəzinə ən yaxın kənd olsada yolunun əksər hissəsi yararsız olduğu üçün biz sakinlər çox əziyyət çəkirik. Kəndin yolunun bir hissəsinə bir neçə il əvvəl asfalt çəkiləsə də bir neçə küçələri isə təmir edilməyib. Hansı ki, həmin yollların üzərində çoxlu sayda sakinlər yaşayır. Buna görə biz sakinlər çox əziyyət çəkirik. Qışda palçığa, yayda toza görə yolda hərəkət etmək olmur. Uşaqlar məktəbə getməkdə çətinlik çəkirlər, xəstə olanda təcili yardım maşını gələ bilmir.
Yolumuzun təmir edilməsi üçün dəfələrlə Göyçay Rayon İcra Hakimiyyətində qəbulda olmuşuq ancaq heç bir faydası olmayıb.
Buna baxmayaraq ümidimizi üzmədik ona görə ki, Azərbaycan Respublikasının İlham Əliyev kimi qayğıkeş və mərhəmətli Prezidenti var. Prezident cənab İlham Əliyevin diqqət və qayğısı nəticəsində Azərbaycanın ən ucqar kəndlərinin belə yolları təmir edilib insanların rifahı yaxşılaşıb.
Ümid edirik ki, Göyçay şəhərinin mərkəzinə yaxın yerləşən Şəhadət kəndinin yollarına asfalt vurulacaq.
Mətbuat vasitəsi ilə Prezident cənab İlham Əliyevdən xahiş edirik, müraciətimizi nəzərə alıb bizim yaşdğımız kəndin yolunun təmir edilməsinə göstəriş verilsin.
Şıxalıyev Qismət Əsgər oğlu
Hacıyev Nüsrət Hacıbala oğlu
Soltanov Elburus Rəhman oğlu
Məmmədov Dadaş Vəli oğlu
Məmmədov Pərviz Simon oğlu
Soltanov Azər Rəhman oğlu
Məmmədli Semral Elçin oğlu
Məmmədov Sarvan Sərxan oğlu
Əsədov Vüqar Tahir oğlu
Kazımov Zöhrab Hacıağa oğlu
Soltanov Rasim Nəriman oğlu
Quliyeva Solmaz Məhərrəm qızı
Kazımov Zamiq Hacıağa oğlu
Soltanov Nəriman Rəhman oğlu
Bədəlova Sevda Yusif qızı
