70 kiloqram qızılla tutulan azərbaycanlı diplomat KİMDİR..

Türkiyənin İstanbul şəhərində "Vadi İstanbul" ticarət mərkəzinin yaxınlığında azərbaycanlının üzərində 70 kiloqram qızıl aşkarlanıb. Özünü azərbaycanlı diplomat kimi təqdim edən şəxs qızılların ona aid olduğunu etiraf edib.

Avrasiya.net "Qafqazinfo"ya istinadən xəbər verir ki, tutulan şəxs həqiqətən də Azərbaycanın ABŞ-dəki Səfirliyində hərbi attaşenin köməkçisi işləyib. Son aylarda isə ölkəmizin Səudiyyə Ərəbistanında hərbi attaşesi təyin olunub.

Onun hazırda Bakıya gətirildiyi və məsələ ilə əlaqədar istintaqa cəlb olunacağı bildirilir.

***

08:13

Türkiyənin İstanbul şəhərinidə yerləşən "Vadistanbul" ticarət mərkəzinin qarşısında dayanan taksidən 70 kiloqram qızıl aşkarlanıb.

Avrasiya.net bu barədə "Cumhuriyyet" qəzetinə istinadən xəbər verir.

İstanbul polisinin keçirdiyi əməliyyat zamanı taksidə olan azərbaycanlı diplomat olduğunu, qızılların ona məxsus olduğunu bildirib. Polis əməkdaşları onu şübhəli şəxs kimi saxlayıb

İstanbul Prokurorluğu hadisə ilə bağlı araşdırmanın davam etdiyini və şübhəlinin diplomatik toxunulmazlığının olub-olmamasının araşdırıldığını açıqlayıb.