Fəvvarələr meydanında dava: ofisiantlar bıçaqlandı
Dərc olunub:
15-05-2024, 10:17
Bakının Səbail rayonunda dava zamanı iki nəfər ağır xəsarət alıb.
Avrasiya.net APA-ya istinadən xəbər verir ki, hadisə Nizami küçəsində yerləşən meydanda qeydə alınıb.
Belə ki, 2003-cü il təvəllüdlü Oqtay Şahin oğlu Qurbanlı və onun iş yoldaşı 2002-ci il təvəllüdlü Turqut Tofiq oğlu Cümiyev dava zamanı bıçaqlanıb.
Hadisə onlar sözügedən ərazidə yerləşən restorandan çıxıb evə gedərkən baş verib. Hər iki şəxs Kliniki Tibbi Mərkəzə yerləşdirilib.
Xəsarət alan şəxslərin vəziyyəti ağır kimi qiymətləndirilir.
Yaralılar restoranda ofisiant işləyir.
Fakt üzrə Səbail Rayon Polis İdarəsinin əməkdaşları araşdırma aparır.
