Toplum TV işi üzrə saxlanılanlar həbs edildi
Dərc olunub:
8-03-2024, 19:31
Bakı şəhəri Xətai Rayon Məhkəməsi Toplum TV işi üzrə saxlanılanlar barədə həbs qətimkan tədbiri seçib.
Avrasiya.net Report-a istinadən xəbər verir ki, bununla bağlı hakim Sülhanə Hacıyevanın sədrliyi ilə keçirilən iclasda qərar qəbul edilib.
Qərarla Akif Qurbanov, Əli Zeynalov, Mövsüm Cabarov, Ramil Babayev və İlkin Əmrahov 4 ay müddətə həbs olunublar.
Qeyd edək ki, martın 6-da sosial şəbəkələrdə Toplum TV-nin ofisində axtarış aparılması, saxlanılanların olması ilə bağlı xəbərlər yayılıb.
Adları qeyd olunan şəxslərə qarşı Cinayət Məcəlləsinin 206.3.2-ci (qaçaqmalçılıq, qabaqcadan əlbir olan bir qrup şəxs tərəfindən törədildikdə) maddəsi ilə ittiham irəli sürülüb.