Fazil Mustafa "Seçki Müşahidə və Təhlil Qrupu" koalisiya təsisçiləri ilə görüşüb - FOTOLAR

Dünən Böyük Quruluş Partiyasının qərargahında Prezidentliyə namizəd Fazil Mustafa "Seçki Müşahidə və Təhlil Qrupu" koalisiya təsisçiləri ilə görüşüb.

Avrasiya.net xəbər verir ki, koalisiya Vətəndaş Cəmiyyəti Uğrunda Mərkəz (sədr Rafiq İsmayılov), Neftçilərin Hüquqlarının Müdafiə Təşkilatı (sədr Mirvari Qəhrəmanlı) və "Multimedia" İnformasiya Sistemləri və Texnalogiyaları Mərkəzi (sədr Osman Gündüz) tərəfindən yaradılıb.

Görüşdə əsasən 7 fevralda keçiriləcək Prezident seçkilərində namizədin seçkiqabağı təşviqat kampaniyasının gedişi müzakirə olunub. F.Mustafa qonaqlara ölkədə baş verən ictimai-siyasi proseslər, seçki kampaniyasının gedişi və digər məsələlərlə bağlı məlumat verib. Namizəd onları seçki platforması ilə tanış edib, fikir mübadilələri aparılıb. Prezidentliyə namizəd sonda koalisiya təsisçilərinin suallarını cavablandırıb, onlarla səmimi söhbətlər aparıb.