İtkin düşən gəncin meyiti tapılıb - Foto
Noyabrın 20-də Bakı şəhəri Suraxanı rayonu Qum adası adlanan ərazidə dəniz sahilində tapılan naməlum kişi meyiti noyabrın 9-da Bakıya, qonaq gələn 28 yaşlı Göyçay rayon sakini İbrahim Nəzərlidir.
Bu barədə Avrasiya.net-ə onun qohumlarından deyilib.
Onun ölüm səbəbi araşdırılır, özünə qəsd etməsi və ya öldürüldüyü ilə bağlı hər hansı rəsmi məlumat yoxdur.
Tapılan meyitin boyu 160-165 santimetr, orta bədən quruluşlu, qara saçlıdır. Meyitin burun hissəsində xüsusi əlamət kimi çapıq izləri müşahidə olunub. Tapılan zaman əynində üst geyimi olmayıb.
Xatırladaq ki, Bakıya, qonaq gələn 28 yaşlı Göyçay rayon sakini İbrahim Nəzərli noyabr ayının 9-da, saat 15:00 radələrində, dostları ilə görüşmək üçün Qaradağ rayonu Sahil qəsəbəsindən çıxıb və bir daha geri qayıtmayıb.
O, Kubinkada yerləşən "Boranı" restoranında olub. Gecə saat 1 radələrindən ordan uzaqlaşıb daha sonra nə görən olub, nə də telefonuna zəng çatıb.
Evdən çıxarkən əynində göy rəngli cins şalvar, ağ-qara qarışıqlı idman ayaqqabısı, əynində ağ rəngdə kofta, qara papaqlı idman gödəkcəsi olub.
