Bir kənd məktəbinin problemləri
Dərc olunub:
15-12-2023, 11:50
Kürdəmir rayon Garis Eyriben kənd tam orta məktəb 4-5 il öncə təmir olunsa da problemlər hələ qalmaqdadır.
Redaksiyamıza daxil olan şikayətdə bildirilir ki, təmir işləri natamam aparılıb. Məktəbin həyəti hələ də otluqdur, sanki futbol meydançasına oxşayır. Halbuki, asfaltlanmalıdır, yağışlı, qarlı günlərdə şagirdlər məktəbə çirkli, palçıqlı ayaqqabılarla daxil olurlar. Qaz xətlərinin olmağına baxmayaraq, kombi sistemi çəkilməyib, hələ də sinif otaqlarında odun peçindən istifadə olunur. Yandırmağa odun isə tapılmadığından çox vaxt sinif otaqları soyuq olur. Binanın üst örtüyü suvaqlanmayıb, giriş dəhlizinin döşəməsi artıq dağılıb.
