Özbək jurnalist AYB-nin Fəxri üzvü adına layiq görülüb
Özbək tarixçi-publisist, Azərbaycanın "EurasiaDiary" xəbər agentliyinin Mərkəzi Asiya bölgəsi üzrə nümayəndəsi Şuxrat Salamov (Barlas) Azərbaycan Yazıçılar Birliyinin Fəxri üzvü adına layiq görülüb.
Özbəkistandakı Heydər Əliyev adına Azərbaycan Mədəniyyət Mərkəzi uzun müddət Şuxrat Salamovla sıx elmi əməkdaşlıq edərək Azərbaycan həqiqətlərinin yayılması istiqamətində çoxsaylı layihələr həyata keçirib.
Məhz, Şuxrat Salamovun uğurlu fəaliyyəti nəticəsində Ermənistanın Azərbaycana qarşı işğalçılıq siyasəti, erməni daşnaklarının Türkistanda törətdiyi qətliamlar və b. mövzularda tədqiqat nəşrləri, sənədli filmlər ərsəyə gəlib.
Heydər Əliyev adına Azərbaycan Mədəniyyət Mərkəzi Özbək tarixçi-publisist, jurnalist Şuxrat Barlasa Azərbaycan Yazıçılar Birliyinin Fəxri üzvü adına layiq görülməsi münasibəti ilə təbrik edir, gələcəkdə ona iki ölkə arasında dostluğa xidmətləri, yaradıcılığı işində uğurlar arzulayır.
