Şabranda Zəfər Günü münasibətilə silsilə tədbirlər keçirilib
Şabran rayon İcra Hakimiyyətinin təşkilatçılığı ilə Şabran rayonunda 8 Noyabr – Zəfər Günü münasibətilə silsilə tədbirlər keçirilib.
Tədbirlərdə Şabran rayon İcra Hakimiyyətinin başçısı Asif Hüseynov, rayon İcra Hakimiyyətinin kollektivi, rayonun idarə, müəssisə rəhbərləri və işçiləri, şəhid ailələri, müharibə iştirakçıları və ictimaiyyət nümayəndələri iştirak ediblər.
Tədbir iştirakçıları daha sonra Şəhidlər xiyabanını ziyarət edib.
Silsilə tədbirlər çərçivəsində 8 Noyabr – Zəfər Günü münasibətilə ağacəkmə aksiyaları təşkil olunub.
Aksiyalar zamanı həmişəyaşıl və müxtəlif növ ağaclar əkilib, mövcud yaşıllıqlara aqrotexniki qulluq göstərilib.
Daha sonra rayonun mərkəzində 8 Noyabr – Zəfər Gününə həsr olunmuş konsert proqramı təşkil olunub. Respublikamızın və şəhərimizin incəsənət nümayəndələrinin vətənpərvərlik mövzusunda ifaları ilə müşayiət olunan konsert izləyicilər tərəfindən böyük maraqla qarşılanıb. Konsertin sonunda atəşfəşanlıq olub.
