Şabranda “Zərərli vərdişlərə yox deyək!” mövzusunda tədbir keçirilib

Şabran rayon 4 nömrəli tam orta məktəbdə “Erkən nigahın və qohumlar arasında nigahın mənfi nəticələri!”, “Zərərli vərdişlərə yox deyək!” mövzusunda tədbir keçirilib.

Tədbirdə Şabran Rayon Mərkəzi Xəstəxanasının həkimi Sənubər Müslümova da iştirak edib.

Çıxış edənlər erkən nigahın gənclərə, ailələrə, bütövlükdə cəmiyyətə vurduğu zərərlər, bu sosial problemin aradan qaldırılması yolları haqqında danışılaraq bildiriblər ki, erkən nigah hallarına zəmin yaradan əsas səbəblərdən birincisi təhsildən yayınmaqdır. Valideynlərin maddi imkansızlıq bəhanəsi ilə övladlarını məktəbdən uzaqlaşdırılması son nəticədə erkən nigaha yol açır. Bunun qarşısının alınması üçün ardıcıl maarifləndirmə tədbirlərinin aparılması zəruridir.

Qeyd edilib ki, uşaq hüquqlarının müdafiəsi, ailələrin rifah halının yaxşılaşdırılması, erkən nigahın qarşısının alınması hər zaman dövlətimizin qarşısında duran prioritet məsələ olub.
Tədbirdə yuxarı sinif şagirdləri ilə narkotiklərin və digər zərərli vərdişlərin uşaqların və gənclərin həyatında törətdiyi fəsadlar haqqında geniş söhbətlər aparılıb.

Tədbirin sonunda iştirakçıları maraqlandıran suallar cavablandırılıb.