Şəhidin mövlud günü qeyd edilib
Azərbaycan Respublikası Beynəlmiləl Əlil Döyüşçülər Fondunun hümanitar məsəllər üzrə vitse- prezidenti Ənvər Qarayev, Binəqədi rayon şöbəsinin sədri Hacı Teymur Sərdar oğlu və başqa üzvləri şəhid Zeynalov Tural Ruslan oğlunun Mövlud günü münasibəti ilə onun məzarını ziyarət edərək şəhidimizin ailəsinə dərin hüznlə baş sağlığı veriblər.
Hacı Teymur Fondun prezidenti Əfqanıstan, Qarabağ və Vətən müharibəsinin veteranı Sərraf Orucun adından şəhidin ailəsinə də başsağlığı verib.
O, bildirib ki, Azərbaycanın suverenliyi və ərazi bütövlüyünün müdafiəsi uğrunda şəhid olanlar, müharibə əlilləri və veteranlarının xatirəsi daimi qəlbimizdədir! Onların xatirəsi bizim üçün əzizdir, onlar bizim qəlbimizdən çıxmaz, unudulmaz!
Nə qədər Azərbaycan xalqı, Azərbaycan dövləti var, bu qəhramanlarlmız yaşayırlar və yaşayacaqlar!
Allah bütün şəhidlərimizə rəhmət eləsin, ruhları şad məkanları cənnət olsun, Amin İnşallah.
