Taksi sürücüsünə qarşı soyğunçuluq: 1 polis yaralandı
Dərc olunub:
11-08-2023, 07:37
Bakıda soyğunçuluq edən iki nəfər polis əməkdaşları tərəfindən zərərsizləşdirilib.
Avrasiya.net Report-a istinadən xəbər verir ki, hadisə Sabunçu rayonu ərazisində qeydə alınıb.
Belə ki, iki nəfər naməlum şəxs taksiyə oturaraq bıçaqla sürücüyə hədə-qorxu gəlib və ondan pul tələb ediblər.
Bu zaman taksi sürücüsü avtomobildən qaçaraq ərazidə növbə çəkən polis əməkdaşlarına məlumat verib.
Sabunçu rayonu Polis İdarəsinin əməkdaşı Çərkəz Füzuli oğlu İsmayılov və onun növbə yoldaşı tərəfindən soyğunçular zərərsizləşdirilib.
Bu zaman soyğunçulardan biri özünə və polisə əməkdaşına bıçaqla xəsarət yetirib.
Hadisənin təfərrüatı araşdırılır.
