Göygöldə arvad ərini bıçaqladı
Dərc olunub:
29-03-2023, 10:09
Göygöl rayonunda kişi bıçaqlanıb, arvadı şübhəli bilinir.
Hadisə martın 28-i saat 20 radələrində rayonun ərazisində qeydə alınıb.
Belə ki, 1991-ci il təvəllüdlü D.Əliyeva əri, 1991-ci il təvəllüdlü Elçin Zakir oğlu Süleymanov ilə yaşadıqları evdə qısqanclıq zəminində aralarında mübahisə yaranıb. Mübahisə zamanı qadın mətbəx bıçağı ilə Elçin Süleymanovun qarın nahiyəsinə bir zərbə vurub.
Nəticədə kişi bədən xəsarəti alıb.
Faktla bağlı Göygöl Rayon Polis Şöbəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanaraq istintaq aparılır.
