ALDP sədri: YAP-a birləşmək fikrimiz yoxdur
Azərbaycan Liberal Demokrat Partiyasının (ALDP) Yeni Azərbaycan Partiyasına (YAP) birləşəcəyi ilə bağlı xəbər həqiqətə uyğun deyil.
Avrasiya.net xəbər verir ki, bunu Pravda.az-a açıqlamasında ALDP sədri Fuad Əliyev bildirib.
F.Əliyev qeyd edib ki, ALDP heç vaxt YAP-ın siyasi kursunu dəstəkləməyib: “Biz müxalifət partiyası olaraq daim onların siyasətini tənqid etmişik. Bu gün də daxili siyasətlə, sosial problemlərlə bağlı tənqidi çıxışlar edirik. Bizim hansısa partiya ilə birləşmək fikrimiz yoxdur. Əksinə düşünürük ki, 24 illik partiya olan Azərbaycan Liberal Demokrat Partiyası ilə kimlər birləşmək istəyərsə, təklifləri müzakirə edərik. “Siyasi Partiyalar haqqında” yeni qanuna uyğun olaraq, hər bir partiya 5 min üzvün qeydiyyatını aparmalıdır. Bu istiqamətdə heç bir çətinliyimiz yoxdur, kifayət qədər üzvümüz var, sənədləri vaxtında Ədliyyə Nazirliyinə təqdim edəcəyik”.
