Azərbaycan kommunistləri Zəfər Günü ilə bağlı xalqımızı təbrik edib
30 ilə yaxın bir dövrdə işğal altında olan torpaqlarımızın azad olunmasında misilsiz qəhrəmanlıq göstərmiş Azərbaycan əsgəri bu gün qürurla başını dik tutaraq, 10 noyabr 2022-ci il tarixində əldə etmiş olduğu qələbənin növbəti ildönümünü böyük ruh yüksəkliyi ilə qeyd edir.
Bu qələbənin qazanılmasında AR Prezidenti, Azərbaycan Hərbi Qüvvələrinin Ali Baş Komandanı yoldaş İlham Əliyevin əvəzsiz xidmətləri var.
Məhz onun apardığı ardıcıl və qətiyyətli siyasətin nəticəsində Azərbaycan, dövlətçilik tarixində ilk dəfə olaraq istər hərb sahəsində, istərsə də diplomatik
sahədə şərəfli bir qələbəyə imza atdı. Bu qələbədən narahat olan qüvvələr, xüsusi ilə də bəzi Qərb dövlətləri və müxtəlif beynəlxalq təşkilatlar ədalətsiz olaraq Azərbaycan Respublikasının ünvanına hədyanlar söyləməklə, onun zəfər savaşında qazanmış olduğu qələbəyə kölgə salmağa çalışırlar.
Lakin heç kim unutmamalıdır ki, Azərbaycan xalqı Vətən üçün lazım olan məqamda bir bayraq altında birləşməyi bacarır.
Yuxarıda qeyd olunanları nəzərə alaraq, Azərbaycan Kommunist Partiyası Mərkəzi Komitəsi Azərbaycan xalqını, Respublikada fəaliyyət göstərən bütün siyasi partiyaları və ictimai təşkilatları 44 günlük Vətən
müharibəsində qazanılmış qələbənin növbəti ildönümü münasibətilə səmimi qəlbdən təbrik edir və onları Azərbaycan dövlətçiliyi naminə Respublika silahlı qüvvələrinin Ali Baş Komandanının ətrafında bir yumruq kimi birləşməyə çağırır.
Rauf Qurbanov
Azərbaycan KP MK -nın sədri, KPİ - Sov. İKP İK MŞ üzvü.
