“Azərbaycan–Türkiyə məzunları iki ölkə arasındakı qardaşlığın ən güclü körpüsüdür”
Türkiyə ilə Azərbaycan arasındakı münasibətlərin əsasını ortaq tarix, dil və mədəniyyət təşkil edir və bu yaxınlıq bütün sahələrdə əməkdaşlığın genişlənməsinə imkan yaradır.
Avrasiya.net xəbər verir ki, bu sözləri Türkiyənin Azərbaycandakı fövqəladə və səlahiyyətli səfiri Birol Akgün Azərbaycan-Türkiyə Məzunlarının Görüşündə çıxışı zamanı deyib.
O qeyd edib ki, Türkiyədə təhsil almış azərbaycanlı məzunlar bu münasibətlərin möhkəmlənməsində strateji rol oynayır və iki ölkə arasında bir körpü funksiyasını daşıyırlar.
Akgün, həmçinin, birgə layihələrin, akademik mübadilələrin və gənclər proqramlarının gələcəkdə də davam etdiriləcəyini bildirib.
O, Azərbaycan–Türkiyə Məzunları Görüşünün iki qardaş ölkənin gələcəyinə verdiyi töhfəni yüksək qiymətləndirib.
