"Biz sanksiyaların yumşaldılmasını tələb etmirik"

Rusiya iqtisadiyyatı Qərbin tətbiq etdiyi sanksiyaların öhdəsindən yaxşı gəlir, ona görə də Rusiya Federasiyası onların yumşaldılmasını istəmir.

Avrasiya.net xəbər verir ki, bunu Rusiya Birbaşa İnvestisiya Fondunun rəhbəri, Rusiya prezidentinin xarici ölkələrlə iqtisadi əməkdaşlıq üzrə xüsusi nümayəndəsi Kirill Dmitriyev CNN telekanalına müsahibəsində deyib.

"Əslində, heç də yox. Birincisi, bir çox ruslar hesab edir ki, sanksiyalar hətta ölkənin Qərbdən asılılığını azaltmağa kömək edib. ÜDM artımımıza baxsanız, keçən il 4% idisə, Avropada bu, təxminən 1% idi. Bizim dövlət borcunun ÜDM-ə nisbəti Avropada təxminən 100%-ə qarşı 18% təşkil edir. Beləliklə, Rusiya iqtisadiyyatı yaxşıdır və biz sanksiyaların aradan qaldırılmasını tələb etmirik”, - o vurğulayıb.

Dmitriyevin sözlərinə görə, “bəzi Amerika şirkətləri Rusiyaya qayıtmaq istəyir”. “Əgər onlar geri qaytarılma şərti kimi sanksiyaların qismən ləğvini istəyirlərsə, bu, mənim fikrimcə, düzgün addımdır, lakin Birləşmiş Ştatların özünün maraqlarına uyğundur.

İndiki mərhələdə biz sanksiyaların yumşaldılmasını tələb etmirik. Sadəcə qeyd edirik: əgər Amerika Rusiya ilə daha çox iş görmək istəyirsə və hələ də burada 150 Amerika şirkəti fəaliyyət göstərirsə, onların 70%-nin 25 ildən çox yaşı varsa, əlbəttə ki, bunu edə bilər”, - deyə o əlavə edib.