Tbilisidəki mitinqdə etirazçıların kütləvi həbsinə başlanılıb
Gürcüstan Daxili İşlər Nazirliyinin əməkdaşları parlament binası qarşısında Tbilisidə etiraz aksiyası iştirakçılarını kütləvi şəkildə saxlamağa başlayıblar.
Bu barədə yerli KİV xəbər verir.
Saxlanılmalar barədə qərar etirazçıların parlament qarşısında səfərbər edilmiş hüquq-mühafizə orqanları əməkdaşlarına bir neçə dəfə pirotexnika atmasından sonra qəbul edilib. Saxlanılmalardan sonra insanlar qaçmağa başlayıb və binanın qarşısındakı meydanı tərk ediblər.
Xüsusi təyinatlılar artıq etirazçıları parlamentə bitişik ərazidən çıxarıb və Rustaveli prospektində kordon düzüblər. Güc strukturları bir neçə dəfə su şırnağından istifadə ediblər.
Həmçinin xüsusi təyinatlıların kordonu Rustaveli prospektinin digər ucunda Respublika meydanında düzülüb, adətən xüsusi təyinatlılar etirazçıları həmin istiqamətə sıxışdırırlar
